TerPlekkePodiumPoeem 28 maart
PROVINCIE - AN 'T VEURBIJGAON
De winter is an oous veurbijgaon
het veurjaor duurde dreei krokussen
de harfst is inzet
heuilemaol in toezel kunj naor:
gedichten kieken
an de haand van wat toendertied de weg wees
daor staot ze te kiek
zoas de schoonheid vanzölf sprek
spreekt de gedichten daor weer van
historie vertèelt zien verhaol
dichters gungen taol geven an
wat wèest is en nou vanneis in 't oog
taol, gèeld, plaots
op stee waor as ze spreekt
zoas bij de meulen;
de seizoenen
de raotelnde specht
de kar
op weg naor nix
deur de elementen hen
leesbaor op stee
um te blieven
de hufters kunt naor hoes
de deuren staot weer wied lös
je kunt op binnen gaon en
under aandern
zeein dat foto's een taol spreekt
aanders an een vaastlèegd beeild
wat kunst is
lat kunst an zuchzölf zeein en
aj wult en duurt kunj metkieken
gezichten spreekt zuch te boeten
het nemp tied en sprek dat ok te boeten;
kwetsbaor
breekbaor
as herkend beeild
volmaokt is klaor, as zuchzölf en
aodemt niet
wat waor is komp in beeild
kleurd
zwaart-wit
zet je deuren maor lös en
laot 't op binnen
(Boouk an de lien:
dwelen met taol
deur locht
deur waonen
dwelen met stemmen die
as praot over een ongeluk
dwelen deur de stad
op zeuik naor wat waor is
in 't tweeilocht van waonen)
Móppelt hef 'r weer eein:
een stadsdichter
tweei gedichten dreuigen de taol an
an de haand daorvan
stun de stadsdichter op
inspiraotie vaalt van de toren umdeel
en 't blok geeit van 't beein
op de muren stun 't al jaoren te lonken -
spraokeloos
't veurdraogen brèengt de taol
naor unverwaachte oren
taol is weer normaol
taol steeit as een toren te kiek en
luudt as een klok van dudelkheid
aal dat an 't veurbijgaon is
blas wolkies taol over de stad
© Egbert Hovenkamp II