De scheidsrechter heeft voor het laatstgefloten. De wedstrijd is afgelopen

PROVINCIE - Van een deelnemer oet Brummen in de Achterhoek die al sinds 1962 vort is oet Drenthe kreeg ik de volgende opmaarking. Scheidsrechters en wedstrieden hadden wij in Pesse niet in mien jeugd.Mor gooud het gung niet zo zeer om die woorden, zowat alle deelnemers schreven trouwens scheidsrechter op of scheids en wedstried. Die woorden binnen veur heeil Drenthe geliek.
Dan het stukkie voor ‘t laatst. Dat is interessant. Bijna heeil Drenthe zeg veur ‘t lest of veur ‘t lèest, die klinker in lest kan kört of laanger weden. Mor een stuk of vieftien deelnemers, de meerderheid oet Assen, hef laotst invuld. En dat is opvallend. Laatst in het Nederlands krig in het Nedersaksisch gien ao zoas dat bij veul woorden het geval is, mor juust een èe klank. Net as in het Duuts: letzte.
In het Stadsdrents van Assen veraandert dat dus een beetie, al zeggen een paor oet Assen nog gewoon leste.
In Grunningen binnen der ok goenend die laotste zeggen, veural de jongere generaotsie.
Dan het voltooid deelwoord gefloten, dat kan een stuk of wat kaanten op. Gefloten is het voltooid deelwoord van fluiten. In het Drents kan dat op tweei maneren staark worden.
Floten, fleuten, efleutenkommen alle dreei veur. Floten komp veural veur in Noord-Drenthe en de veenkolonies, dat is te vergelieken met aander voltooidedeelwoorden die in Noord-Drenthedie ok in hetvoltooid deelwoord een o kriegen. breken - broken, spuiten - spoten.
In zuudoost-Drenthe en een deeil van Midden-Drenthe is het voltooid deelwoord fleuten, ok vergeliekbaor met een koppel waarkwoorden zoas spuiten - speuten, breken - breuken en in zuudwest-Drenthe is het efleuten.En die e veur het voltooid deelwoord is bekend in zuudwest-Drenthe.
Mor ok de zwakke vörm fluit komp veur. De scheidsrechter hef fluit, zowat 100 keer. Verspreid over Drenthe.

Dan het woordtie afgelopen:
In het noorden en oosten en midden oflopen. En dat of kan ok nog rekt worden. aoflopen. Aflopen komp ok veur, veural in Assen en de zuudoosthoouk van Drenthe. In het zuudwesten zit die e der weer tussen, dan kriej ofelopen. En een stuk of wat in ‘t zuudwesten hebben opschreven ofeleupen en ofelèupen. En dat ofelèupen vin ik ok weer in de studie naor het Drents van Ruinen van Albert sassen. Elopen en elèupen kommen beide veur.

Heb je een nieuwstip, nieuwe informatie óf heb je een foutje gespot? Stuur een bericht, foto of filmpje via WhatsApp of mail de redactie.