We hebben dik verloren...

PROVINCIE - De deelnemers hebben ‘t zinnegie Wij hebben gisteren dik verloren, we zijn echt ingemaakt. vertaold in heur eigen Drents.En vanzölf levert dat weer veul op om over te praoten. Het gung oous der om om zo veul meugelijk verschillende Drèntse zinnen te kriegen die zeggen daj dik verloren hebben.Veul deelnemers bleven dicht bij de vraog. Dik verloren en ingemaakt. Dat levert al genog op, mor der binnen gelukkig ok deelnemers die ‘t op heur eigen maneer zegd hebben.
Eerst het woord verloren. Dat wordt verloren in ‘t noorden en ‘t heeile oosten an de grèens met Grunning en Duutslaand langes. Verleuren zeggen ze in ‘t zuden en midden van Drenthe. In Assen kom ij beide tegen; verloren en verleuren. Hooghaolen en Hieken is verleuren, mor in Grol, Börger en Bunen kommen beide vörms veur. Daor lig de grèens tussen verloren en verleuren. Dat was in Kocks zien woordenboouk al zo en dat is in dizze enquête ok weer zo.

Wat veur prachtige zinnen hebben de deelnemers nog meer bruukt veur ‘ingemaakt’.:

Vanzölf veul zinnen met het woord kont derin:

an de kont had, dik an de kont had, an de kont kregen, Drents van Hollaandscheveld: dik an de konte ekregen. Wij hebt echt een kontlaog had. Kontlaoge Zwartemeer
dik an de broek had, dik an de broek kregen, 1x broeklaoge. Schoonebeek

Ze hebt ous al houken van 't veld laoten zein.
we hebt flink op oes donder had, wij bint in de pan hakt.
wij bint op de koffie ekomen. Ze hebt oens op de kop egeven.

Dan de deelnemers die ingemaakt overzet hebben in heur eigen Drents. De Noord-Drenten en veenkoloniaolen vullen in inmaokt, in ‘t zuudoosten is ‘t inmaakt. In ‘t zuudwesten inemaakt en veural in west-Drenthe: Diever Dwingel, Wapse en Wapservene inemeuken of inemèuken.
Het is ok wel logisch: gemaakt is emèuken, en ingemaakt is inemèuken.

Dan het woordtie gisteren. guster, gister of gistern.
Guster komp veural veur in de veenkolonies en ok wel in Noord-Drenthe. 83 keer, gister 359 x en gistern 260 keer gistern.

💬 WhatsApp ons!
Heb jij een tip voor de redactie? Stuur ons een bericht, foto of video via WhatsApp: +31651568886 of mail naar redactie@rtvdrenthe.nl