TerPlekkePodiumPoeem 18 april

PROVINCIE - OP DOOUK
Hoeskaomers, films, drukparsen dreijt
je kunt gaon zitten, je kunt blieven staon
aj gooud luusterd hebt, dan hej heurd
van

dat der aachter de veurdeur meziek klinkt
dichtbij je zal het klinken
veur wel heuren wul
volk van nao-an komt deur de veurdeur
die as lös steeit
het geeit aal beter
ervaoring leert
je kunt op de kovvie kommen
aachter de veurdeur
de meziek die as klinken zal
is verrassend
dichtbij je zal het klinken
(je kunt díe hoezen binnen
-met een kaortie-
die hoezen die je al zo vaok
neisgierig meuiken)
der is van ales wat
ale windstreken weijt de veurdeur deur

(Filmtillefoon:
het geeit der umheer
actie raodius met lief en leden
de dood brèengt een ofscheid
het verhaol löst op in zuchzölf)

films gaot wieder
een festival komp der an
documentaires ter leringh ende vermaock
dreei maol in het jaor
-binnen een kaoder-
toont zuch de films
dit keer saomen oetzöcht
in beeild braacht
nao een anloop in woorden:
hoou of foto's de beeildtaol
gungen dicteren
hoou of de daogen filmisch
spreken gaot van:
een museum
een fotograof die as mèensen as
zolt van de eerde zöt
de meziek die as vertèelt
van een weg te gaon;
weerum en veuroet

(Boouk an de lien:
verhaolen leuipen een verhaol binnen
een leste levensfaose brek an
de kaort wodt openlèegd
een weg wodt gaon
deurhen de tied,
leeifde en unverwaacht ofscheid)

in de open locht gaot graofische warken
gewoon deur
met vrijwillige haanden en
vakmanschap
der wodt toverd
der wodt zeein laoten
der wod mèensen welkom heeiten
tis een zaok van in de beein holden
bij de Reuzen van het Drèense Laand
historie blef zuch vertellen
deur apparaoten oet tied en ruumte
met letters die as spreken gaot
kaorten en booukies raokt en blieft geboren
in de open locht:
Vrijheid van de Drukpars!

© Egbert Hovenkamp II

💬 WhatsApp ons!
Heb jij een tip voor de redactie? Stuur ons een bericht, foto of video via WhatsApp of mail naar redactie@rtvdrenthe.nl